世界末日之無電視

告訴婆婆我接受了雜誌訪問。

「係呀？(開心)幾時呀？我返去睇電視」
「唔係呀婆婆，係雜誌呀」
「吓？唔係電視呀？(失望) 點解唔上電視？上電視我咪見到你囉」
「好啦，下次上電視我先再話你知啦吓」

李香琴都話無電視睇係世界末日(註：出自電影家有囍事)，老人家年紀大了無咩細藝，不懂打麻雀，看電視是唯一娛樂。不過如果家裡有小朋友同住，父母多不准小朋友看電視，結果全家齊齊受罰，所有人都無得睇，尤其苦了老人家。

好在有tvb.com，婆婆在我家一次看了三集《女拳》大結局，追了十幾集但看不到結局，囉囉攣，結果煲劇煲到凌晨一點，問她累不累，「嘻，有電視睇，邊眼瞓」。

好嘢。成九十幾歲人呀。