吹漲

某天發生的真人真事。

話說搬進(新)居兩年，從未試用會所的水療服務 (是要另外付費的)，忽然有天身痕走去試試，估不到給我撞正個阿毛，激到我一肚火。

以下為我與阿毛的精彩對話：

我：我想試做按摩
毛：哦，你試試特價這種
我：舒緩加淋巴… 哦… 我怕痛，唔想做淋巴按摩啊
毛：唔痛㗎 (呃我膝頭哥唔食辣椒醬？！呃我維權人士李旺陽雙腳著地都可以死於自殺？呃我七月一日唔通過五司十四局的任命香港會陸沉？)
我：除了那兩款按摩，你哋仲有咩service？(嘗試保持冷靜)
毛：(突然提高聲量) 我宜家咪service緊你囉！(啞咗)

此時，有個𡃁妹戴著口罩走出來，拿出一張過了膠，貌似外賣紙的東東 (後證實為service menu) 說：「可以睇唔可以拎走」，「吓？我無諗住拎走喎」。之後阿毛再搭咀…
我：咁…  我做香薰按摩啦，你哋有咩香薰？
毛：有好多款㗎喎
我：有咩揀呢？(嘗試用不同問題引導阿毛作答)
毛：我哋得一種 (我。頂。$^x&^^!*&Y#$w_=~)
我：係乜味？
毛：香薰囉
我：(發火！尖叫！) 我問你咩味呀？

如果你以為阿毛唔明我講乜，我鬧佢係我白痴，請留意她最後拋出的一句！！

毛：天！葵！呀！

請問乜嘢係天葵？係天竺葵 geranium？定係飲嗰啲紫背天竺？痴線㗎？！最好笑呢位阿毛就係按摩師傅，問你服未？

最後，當然即刻起身走人。。。